Ginapasiguro ni Presidente Ferdinand Marcos sa mga natungdan nga ahensya sang gobyerno nga gilayon nga mahatagan sang bulig ang aton mga kasimanwa nga naapektuhan sang paglupok sang Bulkan Bulusan.
Suno kay Palace Press Officer USec, Claire Castro, gilayon nga nagpadulong sa Sorsogon si DSWD Secretary Rex Gatchalian agud personal nga i-assess ang sitwasyon sang aton mga kasimanwa.
Ang mga food packs yara na sa preposition kag may yara man sang mobile kitchen sa Barangay Tughan, Juban, Sorsogon.
Nagpatigayon man sang aerial reconnaissance ang provincial government sa lugar agud mahibaluan kun ano kadaku ang paglupok sang bulkan.
Ginpasalig sang Department of Social Welfare and Development (DSWD) nga magluwas sa family food packs kag mobile kitchens, may yara sang bastante nga pondo ang ahensya agud masabat ang iban pa nga mga kinahanglanon.
