-- ADVERTISEMENT --
Hugot nga ginamonitor ni Presidente Ferdinan Bongbong Marcos Jr., ang sitwasyon kag epekto sang Bagyong Julian kung sa diin padulungan sini ang pila ka lugar sa Northern Luzon.
Sa ambush interview sa Tarlac, ginsiling sang Presidente nga naka-preposition na ang igapangtan-ay nga bulig para sa mga apektado nga ginlaslas sang bagyo.
Suno kay PBBM, natalana siya nga magpadulong sa Ilocos kahapon apang malain na ang tyempo bangud sa mabaskog nga ulan.
Panawagan sini sa publiko nga mangin aligmat ilabi na sa mga lugar nga paga-agyan sang bagyo.
Samtang, ginsiguro ni PBBM nga nakatutok ang tanan nga mga concerned agencies agud magbulig sa mga kinahanglanon.
-- ADVERTISEMENT --
