Wala sang komento si President Ferdinand Marcos Jr., angut sa mga ekpekulasyon nga possible “Sara-Imee” tandem para sa 2028 elections kag sa “Leni-Risa” tandem.
Ini kasunod sang anunsyo ni VP Sara Duterte sang damlag lang nga magapadalagan siya sa pagka-presidente.
Suno kay Palace Press Officer Usec. Claire Castro, nakatutok ang Presidente sa iya nga mga trabaho bilang Chief Executive kag wala pa ini sang plano nga pagastoryahan ang pulitika.
Ginpanginwala naman sang Palasyo ang pila ka mga huring-huring nga ginasuportahan sang administrasyon si Leni Robredo, nga amo subong ang nagapungko bilang alkalde sang Naga City, para sa 2028 presidential elections.
Dugang pa sang natungdang wala sang anuman nga naistoryahan ang administrasyon tuhoy sa pagpangita sang kandidato para sa masunod nga eleksyon.
