ROXAS CITY-Ginpanindugan sang Station Commander sang Philippine Coast Guard-Culasi Station nga nagapadayon sa guihapon ang ila pagmonitor sang mga nagapatigayon sang iligal nga pagpangisda sa kalalawran nga sakup sang siyudad.
Sa interview sang Bombo Radyo kay Commnder Joloves Mercurio ginpahayag sini nga nagapadayon ang ila nga monitoring sa mga nagapatigayon sang iligal nga pagpangisda sa kalalawran.
Masami kaupod nila ang katapo sang Bureau of Fisheries and Aquatic Resources ukon BFAR.
Apang ginkompirmar ni Mercurio nga wala sila sang may nadakpan sa akto nga nagapatigayon sang amo nga butang.
Magluwas nga regular man nga ginasekyar sang mga katapo sang Philippine Coast Guard kun kompleto sa permits ang mga sakayan nga naga-operate sa siyudad.
Walapa man sang may nabaton nga reklamo ang iya sin nga talatapan.
