Liwat nga ginpasaka sang Coast Guard District Northeastern Luzon (CGDNELZN) ang alerto bilang paghanda sa pagpanglaslas sang bagyong Marce.
Sakop sang nasambit nga Coast Guard District ang mga probinsya sang naka-atubang sa northeastern seaboard sang pungsod nga ginalauman nga direkta nga maga-agi ang nasambit nga bagyo.
Suno sa PCG – NELZN, naka-alerto na ang mga personnel, kag mga kagamitan sini nga mahimu magamit sa nasambit nga bagyo.
Naka-standby naman ang mga lifevest, motorboat, kag iban pa nga kagamitan nga pwede ideploy sa mga probinsiya nga magakinahanglan sang gilayon nga deployment.
Suno pa sa PCG, regular na ang ginahimo sini nga koordinasyon sa mga lokal nga gobyerno nga mahimu nga agyan sang nasambit nga bagyo agud gilayon nga mahatagan pagtamud, oras nga kinahanglan nga mga LGU ang bulig sang mga Coast Guard personnel.
Ginganyat naman sang ahensya ang publiko nga magtawag lamang sa hotline sini nga 0997-163-2854 para sa anuman nga pahinganlanon.
