Nagtaliwan na sa edad nga 90 si Luis Jalandoni, senior political consultant kag katapo sang executive committee sang National Democratic Front of the Philippines (NDFP) suno sa Communist Party of the Philippines (CPP).
Suno sa CPP, si Jalandoni nagtaliwan sang Sabado, 9:05 a.m. sa Utrecht, Netherlands — 3 p.m. Oras sa Pilipinas, nga ginapalibutan sang iya pamilya, sang iya asawa nga si Ka Coni, kag sang mga kaupdanan.
Una na nga nagserbe si Jalandoni bilang chief negotiator sang NDFP, ang political wing sang CPP, sa negosasyon sa gobyerno nga nagatuyo nga tapuson ang madugay na nga komunista nga insurhensya sa Pilipinas.
Antes matapos ang administrasyon ni anay Presidente Rodrigo Duterte sang 2022, gindeklarar ini sang Philippine Anti-Terrorism Council (ATC) nga isa ka terorista
Si Jalandoni kag kaupod ang lima ka iban pa nga ginapatihan katapo sang Communist Party of the Philippines (CPP).
