Maatubang sa tuman nga pagtilaw ang Philippine men’s football team para sa AFC Asian Cup Saudi Arabia 2027 Qualfiers sa masunod nga tuig.
Sa ginhiwat nga draw sining adlaw sang Lunes sa AFC House sa Kuala Lumpur, Malaysia ang nahanay ang Pilipinas sa Tajiksitan, Maldives kag Timor-Leste para sa third kag final round sang qualifiers nga suguran nga hampangan sa Marso 2025.
Una nga maka-atubang nila ang Maldives sa Marso 26 kag Nobyembre 18, 2025 nga sundan sang Tajikistan sa Hunyo 10, 2025 kag Marso 31, 2026 kag Timor Leste sa Oktubre 9 kag 14 , 2025.
Ang Grupo B naman ang ginakabug-usan sang Lebanon, Yemen, Bhutan kag Brunei Darussalam samtang ang Group C ang ginakabug-usan sang India, Hong Kong, Singapore kag Bangladesh kag ang Group D naman ang ginakabug-usan sang Thailand, Turkmenistan, Chinese Taipei kag Sri Lanka.
