ROXAS CITY -Ginkompimar sang tagpamaba sang 3rd Infantry Division Philippine Army ang pahayag sang duha ka mga anay miyembro sang New Peoples Army (NPA) nga may yara sang tatlo ka mga buluthuan ng nagserbe ilang recruitment ground sang rebelde nga grupo sa probinsiya sang Capiz.
Sa ekslusibo nga interview sang Bombo Radyo Roxas sa kay Major Cenon Pancito III-ang tagpamaba sang 3rd Infantry Division-Philippine Army nga ginapahayag sini nga matuod ang ginbuyagyag nanday Jeffrey Celiz alias “ka Eric” kag Joy James Saguinio “Ka Amihan” natuhoy sa recruitment ground sa Colegio Dela Purisima Concepcion, Filamer Christian University kag Capiz State University-Dumarao Campus.
Apang indi pa sini mapat-ud kun san-o nagsugod ang amo nga recruitment activities sa tatlo ka mga nasambit nga mga buluthuan.
