Preparado na ang Philippine Coast Guard- Capiz sa posible pag-igo sang bagyo Wilma.
Sa interview sang Bombo Radyo kay Senior Chief Petty Officer Arnel Nisola, Chief master-at Arms sang Philippine Coast Guard- Capiz, iya ginpahayag nga may yara na sang naka-deploy nga mga katapo sa ngakalain-lain nga banwa sa probinsya sang Capiz.
Suno kay Senior Chief Petty Officer Nisola, temporaryo nga gin-suspend ang byahe sang barko kag pagpalawod sang mga magagmay nga sakayan-pandagat bangud sa posible nga pagbaskog sang balod.
Pahayag pa niya, padayon man ang pagbantay sa mga flood prone area sa tion nga maggulpi baskog ang ulan tuga sang bagyo.
Nagpanawagan man ang natungdan nga magsunod kag magpamati sa mga pahanumdom sang otoridad agud nga masiguro ang kahilwayan sang tanan sa pamahog sang nasambit nga kalamidad.
