Pila ka mga barangay sa President Roxas, ginbaha kasunod sang mamunog nga ulan

Ginbaha ang pila ka mga kabarangayan sa banwa sang President Roxas kasunod sang mamunog nga ulan kahapon.

Sa pagpangusisa sang Bombo Radyo nagdugay sang kapin isa ka oras ang mamunog nga ulan rason nga nagtaas ang lebel sang tubig.

Kalakip sa nalubog sa tubig baha amo ang Barangay Cabugcabug, porsyon sang Barangay Poblacion kag Barangay Pantalan.

Samtang agud indi mastranded ang mga magagmay nga mga motorista, nagpatigayon sang libre sakay.

Ginapahayag bangod sa ginkay-o nga dalan sang DPWH nga natambakan ang drainage system ang gintunaan sang pagbaha.