ROXAS CITY – Puno sa gihapon sang paglaum ang pila ka mga tricycle drivers sa syudad sa ginpromisa nga fuel subsidy nagikan sa gobyerno probinsyal.
Ini ang ginpahayag ni Mr. Tony Dela Cruz, isa ka tricycle driver, kag residente diri sa syudad, sang mapakig-angutan sang Bombo Radyo.
Suno diri, nagalaum ini sa gihapon nga matabo ang ayuda, apisar nga kapin duha na ka bulan ang nakaligad sang nagproseso ini sang mga rekisitos agud malakip ang iya pangalan sa listahan, apang tubtob sa karon, wala pa ini nagatupa.
Bangud diri, nagapanawagan ini sa lokal nga gobyerno, ilabi na sa mga board members nga kaluyoan sila nga kuntani ma-release man ini nga ayuda bangud dako gid nga bulig para sa ila ilabi na nga nagatinaas naman ang presyo sang gatong.
Para naman kay Mr. Ian De Pedro, tagpamaba sang tricycle drivers and operators, nga dismayado ang ila mga kaupdanan sa pagpaawat-awat kag pagsuspinder sang mga katapo sang provincial board, sa pondo sang nasambit nga fuel subsidy.
Kuntani, dugang pa sini nga matalupangdan man ang ila sektor kag ma-release na ang amu nga ayuda.
