PILAR CAPIZ – Indi pa sa karun matul-id sang katapo sang Pilar Municipal Police Station ang tuyo sang mga suspek sa pagtaban sang motorsiklo sa Barangay Poblacion, Pilar Capiz.
Matandaan nga takna ala 1:00 sang kaaganhon sadtong Oktobre 23 sang nagpadulong sa talatapan sang Pilar MPS si Leoven tag-iya sang motorsiklo agud ireport nga ang iya motorsiklo nga Smash nadula samtang nakapark sa nasambit nga lugar.
Sa pagtsekyar sa CCTV footage sa lugar nakit-an ang duha ka persona nga nagdala sang nasambit nga motorsiklo kag padulong sa direksyon sang President Roxas.
Sa interview sang Bombo Radyo sa imbestigador sang Pilar Municipal Police Station nga si PCPL. Herbert Dela Vega ginpahayag sini base sa ila ginpatigayon nga imbestigasyon indi pagpangawat ang tuyo sang duha ka mga lunsay menor de edad nga nagtaban sang motorsiklo kundi gingamit lamang nila ini nga sakyan agud nga makapauli.
Mahibaluan nga pinaagi sa bulig sang mga otoridad kag pumuluyo narekober ang motorsiklo malapit sa puluy-an sang mga nagtaban.
Suno kay Dela Vega, nga mangin alerto sa mga bagay nga ginabilin agud malikawan ang kaangay sini nga insidente.
