Pilipinas, napilian nga mag-host sa Women’s Tennis Association tournament sa masunod nga tuig

Opisyal na nga maga-host ang Pilipinas sa Women’s Tennis Association (WTA) tournament sa masunod nga tuig.

Nalakip sa listahan sang kalendaryo sang Women’s Tennis Association ang Philippine Women’s Open.

Ini ang labing una nga kahigayunan nga ang Women’s Tennis Association 125 Tournament ang hiwaton sa pungsod halin Enero 26 tubtob 31, 2026.

Ginabulubanta nga magalab-ot sa 32 ka mga humalampang sa singles draw kag 16-team doubles ang magapaindis-indis sa hard court.

May yara naman sang kabug-usan nga premyo nga $11,500 ukon kapin sa P600,000.

Pahayag ni Philippine Sports Commission (PSC) chair Patrick Gregorio, makita diri ang talento ni Alex Eala kag pila ka mga bantog nga pangalan sa tennis Association tournament.