Pintor nga wanted sa kaso nga Child Abuse, arestado Roxas City

ROXAS CITY – Arestado ang 54-anyos nga pintor matapos nga ginserbihan sang warrant of arrest sang Roxas City Police Station sa Roxas Avenue, Roxas City.

Ginkilala ang nadakpan nga si Rafael Alejaga, residente sang Sitio Dulunan, Barangay Tanza, sining siyudad.

Ang akusado ang nagapangatubang sa kaso nga paglapas R.A. 7610 ukon Special Protection of Children against Child Abuse, Exploitation, and Discrimination Act.

Ang warrant of arrest sang akusado ang ginpapanaog ni Judge Faustino Roxas, Acting Presiding Judge RTC Branch  14, Roxas City sadtong Agosto  14, 2020.

Wala sang piyansa nga ginrekomendar ang korte para sa temporaryo nga kahilwayan ni Alejaga.

Sa karon nakahunong na sa karsel sang Roxas City Police Station ang akusado.