Nagpaandam ang Philippine National Police (PNP) batok sa mga negosyante nga nagapanginpulos sa krisis sa langis sa pungsod, kadungan sang pagkumpirma nga ginatos ka mga gasolinahan ang indi pa maka-operate bangud sa kakulang sang supply.
Base sa report sang national police, hugot nila nga ginabantayan ang presyo kag distribusyon sang petrolyo.
Ini matapos nga narekord ang mga kaso sang pagpanghimulos samtang padayon nga gina-antos sang pungsod ang epekto sang kinagamo sa Middle East.
Apisar nga nagbukas na ang pila ka istasyon, padayon ang kampanya sang kapulisan batuk sa iligal nga aktibidad.
Agud masiguro ang stable nga supply, naga-coordinate si PNP Chief Gen. Jose Melencio Nartatez Jr sa Department of Energy (DOE) kag sa Municipal Price Coordinating Councils.
Nagapabilin man sa full alert status ang pwersa sang kapulisan nga may masobra 98,000 ka mga personnel nga gin-deploy halin sang Marso 31.
Naghingyo ang hepe sa publiko nga gilayon nga magreport sa pinakamalapit nga presinto, ukon magtawag sa 911 kag sa opisyal nga hotline sang PNP, kun may matalupangdan nga iregularidad sa pagbaligya sang petrolyo.
