Gintawagan ni Israeli Prime Minister Benjamin Netanyahu si Pope Leo XIV.
Ginpatigayon ang pag-istoryhanay sang duha matapos ang airstrike sang Israel sa Holy Family Church sa Gaza nga ginkapatay sang tatlo ka ka-tawo kag masobra 10 ka iban pa ang napilasan.
Bangud sa malab-ot 600 ka mga Palestino ang temporaryo nga nagapuyo sa nasambit nga simbahan umpisa nga nag-ibwal ang kinagamo.
Suno sa Vatican, liat nga ginganyat sang Santo Papa si Netanyahu nga mag-angkon sang negosasyon sa tunga nila sang Hamas agud dalayon nga mauntat ang giyera.
Nagpanawagan man si Pope Leo XIV sa importansya sang pagprotektar sa mga simbahan ilabi na sa mga tumuluo kag tanan nga mga tawo sa Palestine kag Israel.
Ginsiguro man sang Santo Papa nga indi madula sa iya nga pagpangamuyo ang mga tawo sa Gaza kag Israel nga naipit sa kinagamo.
