Isa ka 23-anyos nga manunudlo sa daycare sa St. Charles, Illinois sa US, ang ginpahalin pagkatapos nga natukiban nga hungod niya nga ginahatagan sang laxatives ukon defecation pills ang mga estudyante agud mapauli sila sang temprano.
Si Yizel J. J. ginpasakaan sang kaso nga endangering the life or health of a child at attempted aggravated battery.
Suno sa imbestigasyon, gin-ako sang manunudlo nga “nabug-atan” siya ukon nabudlayan sa pag-atipan sa mga kabataan, rasun nga ginlapas niya ang policy sang daycare.
Sa nasambit nga polisa, kun magmasakit ukon mag-diarrhea ang bata, kinahanglan nga kuhaon sila sang ginikanan kag indi sila makasulod sa sulod sang 24 oras, nga nagahatag sa manunudlo sang “free time.”
Nagguwa ang kamatuoran matapos nga nagreklamo ang pila ka mga ginikanan nga ang ila mga kabataan nga lunsay 2 ka tuig panubo ang nagasuprer sang pabalik-balik nga pagpalanakit sang tiyan.
Abi sang mga ginikanan virus ukon stomach bug lang ini, kag ang iban ang nag-ilis pa sang baby formula kag nagpadoktor, apang negatibo ang resulta.
Natukiban nga gina-into sang manunudlo ang mga kabataan sa paghunahuna nga ang mga chewable laxatives isa ka “candy.”
Sa subong, ginahulat nalang ang hearing sang manunudlo agud mapanabat ini sa iya nga ginhimo.
