Ginhatagan pagtamod ni Presidente Ferdinand “Bongbong” Marcos Jr. nga dapat siguraduhon sang gobyerno nga istrikto ang kaso batok sa mga ginasuspetsahan nga may kahilabtanan sa korapsyon kag may mabakod nga ebidensya agud manabat ang mga “guilty”.
Nagpaandam ang Presidente batok sa pagpasaka sang mahuyang nga kaso nga wala sang klaro nga ebidensya bangud magadul-ong ini sa mas malala nga resulta.
Suno sa Presidente, kun padalion ang kaso, kulang ang ebidensya, malabo pa ini, apang kun piliton, mahimo nga madula ang kaso. Magadul-ong lang ini sa mas malain nga mga butang.
Ginpanindugan ni Marcos nga dapat sundon sang gobyerno ang kasuguan sa paglagas sa mga corrupt officials agud mangin lehitimo ang accountability.
Nahibaluan nga ang iya pahayag kadugangan sa nagapadayon nga imbestigasyon sang Independent Committee for Infrustructure sa mga maanomaliya nga flood control projects kag iban pa nga mga proyekto sa imprastraktura sa nagligad nga dekada.
