Gin-anunsyo ni President Ferdinand Marcos Jr., nga umpisa buwas nga adlaw, Abril 14, ipatuman ang daku nga rollback sa presyo sang gatong matapos ang serye sang pagtimbuok sa presyo humalin sang nag-umpisa ang tension sa Middle East sang Pebrero.
Yari ang rollback sa presyo sang gatong:
*Diesel – P20.89 kada litro
*Gasolina – P4.43 kada litro
*Kerosene – P8.50 kada litro
Suno kay President Marcos, dako ini nga ginhawa para sa mga drivers, commuters, kag pamilya nga Pinoy nga padayon nga apektado sang mataas nga presyo sang krudo.
Apisar suno sa ya nga kulang ang tikang, indi mag-untat ang gobyerno tubtub indi mabuhinan ang gasto sa transportasyon, pagkaon, kag iban pa nga nagapanguna nga kinahanglanon.
Dugang pa sang Presidente nga may yara sang dugang nga mga anunsyo sa masunod nga mga inadlaw kag semana angut sa dugang nga mga tikang kag bulig gikan sa gobyerno.
Ginpasalig man ni Marcos nga indi niya pagpabay-an ang tagsa ka Pilipino sa tunga sang mga pagpanghangkat nga ginapangatubang subong, kag magapadayon ang pagtinguha sang gobyerno agud mahatagan sang kaginhawaan ang tagsa ka mga pumuluyo.
