President Ferdinand Marcos Jr., handa nga buksan kag ipahibalo sa publiko ang iya Statement of Assets, Liabilities, and Net Worth

Handa si Presidente Ferdinand Marcos Jr.,nga ipahibalo sa publiko ang iya Statement of Assets, Liabilities, and Net Worth (SALN) kon pangabayon sang Independent Commission for Infrastructure (ICI) ukon sang Office of the Ombudsman.

Suno sa Presidente, wala siya sang may ginatago kag bukas siya nga ipakita ini bilang kabahin sang pagka-honest kag transparent sa mga pumuluyo.

Ginkalipay naman sang Presidente nga ginkakas na sang Ombudsman ang restriction sa pagpaguwa sang SALN.

Gin-engganyo man sang Presidente ang iya mga katapo sang gabinete nga mangin bukas man kag ipahibalo sa publiko ang ila kaugalingon nga SALN bilang pagpakita sang transparency kag integridad sa serbisyo publiko.