MALACAÑANG – Ginpili ni President Ferdinand Marcos Jr. si Police Major General Nicolas Torre III bilang bag-o nga hepe sang Philippine National Police.
Ini ang gin-anunsyo ni Executive Secretary Lucas Bersamin.
Suno kay Bersamin, si Torre ang magapungko bilang PNP Chief sa Hunyo 2, 2025.
Si Torre ang myembro sang Philippine National Police Academy (PNPA) Tagapagpatupad Class of 1993.
Siya subong ang director sang Criminal Investigation and Detection Group (CIDG).
Nahibaluan nga si Torre ang nagserbe nga director sang Quezon City Police District kag Davao Regional Police Office sa diin nangin madinalag-on ang pag-aresto kay Kingdom of Jesus Christ (KOJC) leader Pastor Apollo Quiboloy matapos ang 16 ka adlaw nga police operation.
Si Torre man ang nagpanguna sa pag-aresto kay former President Rodrigo Duterte kag pag-turn over sa anay presidente sa International Criminal Court sa the Hague, Netherlands bangud sa ginaalegar crimes against humanity sa pungsod kadungan sang pagpatuman sang drug war.
Natalana ang pagretiro ni Torre sa Marso 11, 2027 sa edad nga 56.
