Nabaton na ni President Ferdinand Marcos Jr. kag gina-review ang P6.793 trillion national budget para sa fiscal year 2026 nga gin-ratipikahan sang Kongreso.
Suno kay Executive Secretary Ralph Recto, ginabusisi subong sang presidente kag iya nga team ang tanan nga mga alokasyon kag probisyon agud makit-an ang kinalain sa orihinal nga ginpasa nga National Expenditure Program.
Pahayag niya, siguruhon sang Executive Branch nga ang 2026 General Appropriations Act ang maga-satisfy indi lang sa legal kag technical requirements kundi mangin sa kinahanglanon sang mga Filipino.
Ginabanta magalawig sang isa ka semana para sa presidente kag team sini nga i-review ang gin-ratify nga hagna.
Una na nga ginpahayag ni Recto nga pirmahan ni President Marcos ang P6.793 trillion national budget para sa 2026 sa una nga semana sang Enero.
