Gin-anunsiyo sang Department of Trade and Industry (DTI) nga wala sang pagtaas sa presyo sang mga nagapanguna nga balaklon tubtob sa katapusan sang Disyembre.
Sa Malacañang press briefing, ginsiling ni DTI Sec. Ma. Cristina Aldeguer-Roque, ginatinguhaan nila nga mapahagan-hagan ang presyo sang mga produkto agud mangin maayo ang paskwa sang mga consumer.
Indi man suno diri magataas ang presyo sang masobra tunga ukon 50% sa 200 nga Noche Buena products.
Kalakip sa mga indi magtaas ang presyo amu ang mga mayonnaise, ham, pasta, cheese, kag all-purpose cream.
Apisar nga may pila ka mga manufacturer nga maghinyo sang price increase bangud isa ka tuig na suno diri nga wala sang pagtaas sang presyo bangud imported pa ang mga ini.
Bangud sini, nakasugtanan nila sa DTI nga indi dapat maglapaw sa 5% ang pagsaka sa presyo.
Dugang pa ni Roque, nagapabilin nga maayo ang purchase demand subong nga holiday season.
