Nagdangat na sa P250/kilo ang retail price sang pula nga sibuyas sa pila ka mga merkado sa Metro Manila, suno sa monitoring sang Department of Agriculture.
Suno diri nga pila ka mga outlet ang nagabaligya sang P120 kada kilo apang ang iban ang naglab-ot na sa P250 depende sa kalidad.
Mas manubo naman ang presyo sang mga puti nga sibuyas nga nagadalagan sa P120 tubtob P140 kada kilo.
Suno pa sa ahensiya, posible nga maga-abot naman sa masunod nga semana ang mga imported nga sibuyas samtang nagsugod na nga nagaguha ang mga una nga ani nga sibuyas halin sa dalagkuan nga onion farm sa pungsod.
Bangud sini, ginalauman nga dalayon naman nga magnubo ang presyo sang mga sibuyas sa mga masunod nga adlaw samtang padayon ang pagsaka sang volume sang supply nga pareho nagikan sa local production kag importation.
Sa Pilipinas, ang monthly consumption ang nagdangat sa 17,000 metriko tonelada.
