Patay ang Prime Minister sang Houthi government sa Yemen kalakip ang pila ka ministro matapos ang airstrike sang Israel sa kabisera nga Sanaa, suno sa report sang news agency nga ginapadalagan sang grupo sang Sabado.
Suno sa report, pila pa ka mga opisyal ang pilason sa pag-atake sang Huwebes.
Ginkumpirma sang Israel sang Biyernes nga ang nasambit nga operasyon ang nakasentro batok sa mga matag-as nga opisyal sang grupo nga kaalyado sang Iran, kalakip ang chief of staff, defense minister, kag iban pa nga senior officials.
Padayon pa nga gina-beripika ang resulta sang operasyon. Indi man athag kun kalakip sa mga napatay ang Houthi defense minister.
Ginkilala ang napatay nga si Ahmad Ghaleb al-Rahwi, nga nagserbe bilang Prime Minister sa sulod sang kapin isa ka-tuig.
Suno sa mga Houthi, si Al-Rahawi gintarget samtang nagatambong sa isa ka workshop kaupod ang iban pa nga opisyal sang ila nga gobyerno.
