Ginalauman nga madugangan sang 319 ka mga bag-o nga pulis ang Police Regional Office 6 (PRO 6) subong nga bulan sang Setyembre.
Kun madayon ang schedule, hiwaton ang oath-taking ceremony sang mga bag-o nga police officer sa tunga-tunga ang Setyembre.
Sa kabug-osan nga numero, 94 ang nalakip sa regular recruitmebnt quota samtang 225 naman ang sulod sa attrition recruitment quota.
Nagalab-ot sa 507 ka mga aplikante ang nag-compete para sa regular recruitment, samtang 1,009 naman ang nag-apply sa idalom sang attrition recruitment.
Dungan nga ginhiwat ang duha ka mga recruitment program, nga nag-umpisa sa pagbaton sang applications humalin sang Marso 20 tubtob 30, 2026.
Nagpaidalom ang mga aplikante sa hugot nga screening process nga ginalakipan sang body mass index determination kag physical agility test.
Nagpaidalom man sila sa psychological at psychiatric examinations, physical, medical kag dental examinations, drug test kag background investigation.
