Suportado sang Police Regional Office 6 (PRO-6) ang mga plano kag direktiba nga ipatuman ni PLt. Gen. Jose Nartatez Jr. bilang bag-o nga hepe sang Philippine National Police (PNP).
Sa interview sang Bombo Radyo Roxas kay Police Major Lailyn Sencil, Spokesperson sang Police Regional Office, iya ginpahayag nga ginapanginbulahan sang ila opisina ang pagpungko ni Nartatez bilang bag-o nga hepe nga mgabulos kay Police Gen. Nicolas Torre III.
Suno sa iya, nagapasalamat man sila sa tatlo ka bulan nga serbisyo kag pagpanguna ni General Torre antes siya nga ginbaylohan.
Dugang pa sang natungdan, handa man sila sa pagsunod sa mga mando ni Nartatez agud mapadayon ang ang resilient organization, commitment sa peace and order, kag intensifies law enforcement operations para sa kalinong kag katawhayan sang komunidad.
