ROXAS CITY – Malipayon ang mga katapo sang religious community kalakip ang isa ka Filipina sa Arizona, USA, matapos nag-plead ‘not guilty’ sa 34 counts sang felony si anay US President Donald Trump.
Ini ang gnpahayag ni Bombo International Correspondent (BINC) Pangga Traya, sang mainterview sang Bombo Radyo.
Suno diri, pro-Trump ini kaupod ang iya mga church members sa Arizona, bangud sa mga plataporma kag stand sang anay presidente ilabi na sa isyu sang same sex marriage kag abortion.
Aminado man si Traya nga may mga isyu nga ginahaboy kay Trump, apang wla sila nagapati nga mga supporters.
Sa karon, mainit man suno diri ang pulitika sa Estado Unidos bangud sa ginapahayag nga madamo ang ginpangbag-o sa karon nga administrasyon.
Nahibaluan nga nag-plead ‘not guilty’ sa 34 counts sang felony si Trump bangud sa pag-falsify sang business records sa first degree sa Manhattan court matapos ang hearing charges batuk sa iya.
Matandaan nga nag-ugat ang kaso sa imbestigasyon sa hush money payment sa adult film actress nga si Stormy Daniels sa 2016 presidential campaign.
