ROXAS CITY – Ginklaro ni Provincial Budget Officer Antonio Arbis nga wala sang pending nga payroll sa ila talatapan nga wala mabayaran sang gobyerno-probinsiyal.
Ini ang pahayag ni Arbis kasunod sang isyu nga ginaalegar atrasado nga sweldo sang pila ka staff sang Roxas Memorial Provincial Hospital.
Suno kay Arbis, sa iya pagpangusisa, naubos tanan sang proseso kag bayad ang tanan nga payroll nga yara sa ila talatapan.
Ginpaathag sini nga ang proseso sang pagsweldo, dapat may yara sang Job Order bangud kun wala, indi gidman ma-swelduhan ang isa ka empleyado.
Ikaduha suno diri, dapat naga-trabaho ang isa ka empleyado, may Daily Time Record (DTR) kag may payroll agud ma-proseso nila.
Kun wala man maswelduhan ang isa ka empleyado suno kay Arbis, posible nga wala ini sang JO, wala sang DTR ukon wala sang payroll nga ginsumiter sa ila talatapan.
