ROXAS CITY – Nagpa-blotter sa Roxas City PNP ang isa ka pulis matapos nga ginaalegar biktima sang estafa.
Ginkilala ang tagreklamo kay Police Staff Sergeant Rio Alcones, 38 anyos sang Capricho II, Barangay Tanque, Roxas Ciy.
Mahibaluan nga tuig 2016, nag-utang sa iya si Marivie Caldeo, 45 anyos sang Barangay Poblacion Sur, Ivisan, Capiz sang kapin P273,000.
Ginaalegar sang tagreklamo nga ginpahulam niya sang kwarta ang suspek nga wala sang patong nga interest.
Pag-abot sang Enero 15, 2017 nag-issue sa iya sang tseke ang nasambit nga suspek nga ginapahayag nagaunod sang P273,000.
Apang sa tion nga gintsekyar sini natukiban nga wala sang unod ang amo nga tseke.
Tubtob subong nagapabilin nga wala ini ginbayaran sang nasambit nga suspek.
Bangud diri, ginpakamaayo na lamang sang pulis nga ipa-rekord sa pulisya ang insidente.
