ROXAS CITY – Ika-duha na ka beses nga ginsulod sang kawatan ang puluy-an nga nabiktima sang pagkinawatay sa Sitio Nasagud, Barangay Lanot, Roxas City.
Matandaan sa una nga tion nakuha sang kawatan ang duha ka helmet nga yara sa guha sang ila balay.
Sa interview sang Bombo Radyo sa tag-iya sang puluy-an nga si Evangeline Jose ginpahayag sini nga natigayon nga makasulod ang kawatan pinaagi sa pagwasak sang bob wire kag pagbukas sang sliding window.
Suno kay Jose, sang natabo ang insidente yara siya sa kwarto nagapahuway samtang ang iya bata naman naga-working from home.
Mahibaluan nataban sang wala makilan-an nga persona ang isa ka unit sang laptop nga ginabulubanta nagabalor P35,000.00 kag cellphone nga kapin P10,000.00.
Mensahe ni Jose nga kun tani mabalik man sa ila ang nasambit nga mga gadgets bangud tuman ini ka importante sa iya gumangkon.
Samtang pahanumdum na lamang sini sa iya kasilingan nga mangin alerto sa palibot, kag indi gilayon magsalig sa mga tawo nga indi kakilala.
