ROXAS CITY | Gintupok sang kalayo ang 3 tanan ka mga puluy-an sang mag-ulutod sa Sitio Sugod Barangay Salocon, Panitan Capiz takna 9:10 sang gab-i Marso 18, 2024.
Ginkilala ang tag-iya sang mga puluy-an nga sanday Dominggo Villanueva, Josefina Villanueva kag Jonel Villanueva residente sang amu nga lugar.
Sa impormasyon nga nakuha sang Bombo Radyo sa Bureau of Fire Protection Panitan, ginapahayag nga nagikan sa puluy-an ni Josefina Villanueva ang kalayo kung sa diin nakit-an sini nga nagadaba-daba na ang kusina nga porsyon sang iya balay.
Nagsugod ang amu nga sunog 9:10 sang gab-i kag nagdeklarar nga fireout 10:39 sang gab-i.
Sa karun padayon pa ang imbestigasyon sang BFP Panitan agud mahibaluan kung anu ang gintunaan kag pila ang ginbilin nga kahalitan sang amu nga sunog.
