ROXAS CITY -Gindepensahan sa karon ni Punong Barangay Nestor Lachica ang kaugalingon sa natabo nga pagpanumbag sini sa isa ka residente samtang ginahusay sa Barangay Duyoc Dao Capiz.
Ginpahayag ni Lachica nga nagulpihan ini sang nakita si Arnel Arrojado rason nga nasumbag niya ini.
Suno sa opisyal nga makaapat na ka beses nga ginpatawag sa barangay si Arrojado bangud sa gindalahigan sini nga mga kinagamo humalin sang tuig 2019 apang wala ini naga-atubang sa barangay.
Gindugang pa ni Lachica nga kilala nga trouble maker si Arrojado sa barangay bangud sang madamo nga reklamo nga ginpalab-ut sa ila.
Samtang ginpanindugan ni Lachica nga mahinay lamang pagsumbag kay Arrojado.
Masulong pa kuntani sa iya si Arrojado apang nauyatan niya ini sa buhok kadungan sa pagsumbag sa lawas sang biktima.
Nagpangayo naman sang pasaylo ni Lachica sa mga pumuluyo sang Barangay Duyoc bangud wala sini makontrol ang balatyagon tuga sang kaakig kay Arrojado.
