ROXAS CITY-Aminado ang punong barangay sang Barangay Lanot, Roxas City nga wala madakpan sa akto ang ginapahayag “Sparring” sang duha ka mga pamatan-on sa nabukid nga porsyon sang Sitio Nasagud sa amo nga barangay.
Ginpahayag ni punong barangay Rolando Tuazon nga ulihe na ini nakabaton sang report angut sa natabo nga pag-sambuwa sa nasambit nga lugar.
Apang sa pihak sini ginpadulongan gihapon sang kapitan ang lugar apang wala na ini sang may naabtan kag nadakpan sa akto.
Nakumpirmar man sini nga may natabo nga sparring sa iya pagpangusisa sa residente nga malapit sa lugar.
Samtang nakumpirmar man ni Tuazon nga may yara sang pustaay nga natabo kun sa diin ginapahayag nga nagdangat sa P18,000 ang kantidad sang pusta.//
Nagpanugyan naman si Tuazon sa mga pumuluyo nga gilayon nga magreport sa barangay sa tion nga may makita nga kasubong sini nga aktibidad.
