ROXAS CITY – Ginapabilin nga matinlo sang mga residente sang Urban, Barangay Milibili, syudad sang Roxas ang ila palibot agud malikawan nga pugaran sang lamok nga may dala nga Dengue.
Ini ang ginpahayag ni Sonia Estialbo, nagapuyo sa amu nga lugar.
Suno diri, aware sila sa nasambit nga balatian ilabi na nga nagtaas ang numero sang mga nagaangkon sang amu nga sakit sa ila Barangay.
Ginkumpirmar man sini nga nagpatigayon sang pamalay-balay ang ila opisyal sang Barangay agud magtsekyar kun nagapanglimpyo sila sa ila palibot.
Sa pihak nga bahin, nagbaylo ang pinsar ni Estialbo sang liwat ini ginpamangkot kun pabor ini nga dayunon ang eleksyon sang SK kag Barangay officials subong nga tuig, suno diri sugot ini kun ipaiway gid man ang palaabuton nga eleksyon.
