Ginpatpat sang isa ka public health expert ang mga risk factors, sintomas, kag mga kinahanglan nga obrahon sa tion nga ma-stroke.
Nahibaluan nga ang stroke ukon brain attack ang nagakatabo sa diin nagalapuyot ang dugo pakadto sa utok ukon may yara sang blood vessel sa ugat nga naglupok.
Suno sa isa ka public health expert, iya ginpahayag nga may yara sang duha ka kilala nga strokes nga ginatawag bilang transient ischemic attack nga isa ka klase sang stroke nga nagadangat sang pila ka minuto, kag massive stroke nga magaresulta sa pagkamatay, long-term paralysis, ukon coma.
Suno kay Padilla, sa tion nga indi makontrol ukon mahatagan sang igtalupangod ang pasyente nga may stroke, dako ang posibilidad nga maliwat ang pagka-stroke.
Ginpahayag dugang sang natungdan nga kinahanglan nga magkaon gid sang masustansya nga pagkaon, mag-exercise, kag likawan ang pagpanigarilyo kag pag-inom makahulubog nga ilimnon.
