Mainit nga gin-abi-abi sang Roxas City Government si Miss World Philippines Asia Rose Simpson sa iya pagtambong sa Flag raising Ceremony.
Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga nagpatigayon man sang motorcade para man sa iya nga homecoming kag outreach padulong sa iya lugar sa Barangay San Jose, Roxas City.
Suno kay Galagate, apisar nga nagrepresent ini sa syudad sang Quezon bilang Miss World Philippines wala niya gid malipatan ang iya lugar kon sa diin tumandok ang iya sini nga amay nga si Pastor Joseph Simpson.
Matandan nga ginkoronahan bilang Miss World Philippinnes si Simpson, kon sa diin gingamit sini ang pagbulig sa pila ka mga kabataan, partikular na sa may Barangay San Jose,Tangue, Tiza, kon sa diin nag-istar sila sang iya nga amay.
Ginkalipay naman sang City Government ang kadalag-an ni Asia Rose Simpson kag nagpagwwa man sang resolution ang City counsel bilang pagdayaw bangud wala niya gid ginkalipatan ang Roxas City.
Nagpasalig man ang City Goverment nga magahatag sang full support sa mga kinahanglanon ni Simpson bilang Representative sang Pilipinas sa palaabuton nga Miss World Pageant.
