Naglunsar sang airstrikes ang Russia sa Kyiv, Ukraine.
Ang militar sang Ukraine nagsiling nga ang isa ka sinagol nga mga drone kag mga misil nag-igo sa mga tinukod kag mga lugar nga ginapuy-an.
Natabu ang pag-atake isa ka adlaw matapos ang tawag sa telepono sa tunga ni US President Donald Trump kag Russian President Vladimir Putin.
Madamo nga mga pumuluyo ang naghinguyang sang gab-i sa mga pasilungan.
Gintawag ni Ukrainian President Volodymyr Zelensky ang pag-atake nga pinakadaku nga airstrike sang Russia.
Ginpanindugan niya nga wala sing tuyo si Russian President Vladimir Putin nga tapuson ang inaway.
Dapat dumdumon nga ginaduso sang US ang peace deal kun sa diin naga-istorya na si Trump sa mga lideres sang Russia kag Ukraine agud tapuson na ang nasambit nga inaway.
