-- ADVERTISEMENT --
ROXAS CITY – Wasak ang nauna nga bahin sang Isuzu D-Max nga salakyan matapos nga bumunggo sa isa ka poste sa Barangay Hipona, Pontevedra, Capiz.
Ginkilala ang driver kay Ruperto Bornales, Jr. 51-anyos kag residente sang Brgy. Bagacay, banwa sang Panay.
Sandig sa inisyal nga imbestigasyon sang traffic section sang Pontevedra MPS, nga samtang ginasubay sang driver ang amu nga dalanon nagikan sa Brgy, Intuncan, kag magapauli sa ila barangay, sang ginpahayag nadulaan ini sang kontrol sa manubela nga gintunaan sa iya pagkabunggo sa konkreto nga poste.
Masuwerte nga wala ini napilasan sa iya lawas, kag wala naman ginpadangat sa ospital.
Nagapadayon ang imbestigasyon kun ano ang gintunaan sang amu nga aksidente.
-- ADVERTISEMENT --
