Ginpamatbatan nga guilty sang Sandiganbayan ang anay mamalidha kag sa karon Muntinlupa Mayor Ruffy Biazon sa kaso nga graft may kaangtanan sa ginaalegar sala nga paggamit sang P1.95 million priority development assistance fund (PDAF) ukon ang kontrobersiyal nga pork barrel scam.
Angut sini, ginsentensyahan sang anti-graft court si Biazon sang anum tubtub napulo ka tuig nga pagkapreso.
Apang gin-abswelto sang korte si Biazon sa kaso nga malversation sa amo man nga pork barrel case.
Sa bahin sang alkalde, plano sini nga i-apelar ang ruling ukon desisyon sang korte. Ginpanindugan man ni Biazon nga indi dapat mag-derail ukon magtublag sa serbisyo publiko ang gahod rason nga nagapabilin suno sa iya nga wala nagabag-o ang iya commitment sa mga Muntinlupeños.
Ginpanindugan man sang kampo sang opisyal nga indi maapektuhan ang desisyon sang Sandiganbayan sa karon nga posisyon ni Biazon bilang alkalde.
