Ginkansela sang Securities and Exchange Commission (SEC) ang lisensya sang E-Value Phils., Inc., ang kompaniya nga gin-hire nga mag-evaluate sang balor sang propedad nga ginapanag-iyahan sang Villar Land.
Suno sa SEC, may yara sang seryoso nga sala ang E-Value sa ila nga report, sa diin ila gin-claim nga ang propedad sang Villar Land ang nagsaka sa value sang P1.33 trillion.
Bangud ang reports nagaguwa nga unreliable, tanan nga apektado nga property valuations ang kinahanglan liwaton.
Nahibaluan nga gin-inspect sang SEC ang trabaho sang E-Value kag gin-check man ang mga dokumento kag methods.
Nakit-an sang ahensya nga wala ginsunod sang E-Value ang international standards para sa proper kag professional property valuation.
Indi man ma-explain sang kompaniya ukon makahatag sang proweba para sa numero nga ila gingamit.
Napaslawan man sila nga ma-meet ang ginalauman nga levels of independence, honesty kag professional competence.
Bangud sa nasambit nga issues, multahan sang SEC sang P1 million ang E-Value.
Ginamanduan man ang subsidiaries sang Villar Land nga magpasa sang bag-o nga appraisal reports.
Ginpahayag sang SEC nga ang sala nga valuations ang mahimo maghatag sang sala nga desisyon para sa mga investors nga nagagamit sang amo nga numero bilang guide sa ila desisyon sa pag-invest.
