ROXAS CITY, CAPIZ- Nagpatigayon sang hublag-protesta ang pila ka mga progresibo nga grupo sang Capiz kadungan sa ikaapat nga State of the Nation Address ni Presidente Ferdinand “Bongbong” Marcos Jr sang Lunes nga adlaw, Hulyo 28, 2025.
Ginasinggitan sang grupo nga tumanon sang Presidente ang mga promisa sini sa pumuluyo ilabi na sa mga pigado.
Sa interview sang Bombo Radyo kay Nanay Marina, tagpamaba sang Amihan-Mangunguma, iya ginpahayag nga kuntani hatagan sang Presidente sang prayoridad ang sektor sang agrikultura kun sa diin ini ang mayor nga kinahanglan sang tawo kag hatagan man prayoridad ang iya ginpromisa nga P20/kl sang bugas.
Dugang pa sini, masyado na suno ka taas sang presyo sang mga balaklon rason nga kuntani pamaagi sa paghatag sang nagakaigo nga igtalupangod sa sektor sang agrikultura, mapahagan-hagan ang galastuson indi lamang sa mga mangunguma kundi sa bug-os nga pumuluyo sang pungsod.
Mensahe sini para sa Presidente, nga panumdumon ang mga kinahanglanon sang pumuluyo nga naghatag suporta sa iya ilabi na ang mga pigado nga mga mangunguma kag pumuluyo sang pungsod Pilipinas.
Interviewed by Bombo Francis Biñas
