Sekyu sa isa ka establimento komersyal, nasapwan nga patay na

ROXAS CITY – Patay ang isa ka security guard sang Carol’s Square Plaza sang makit-an sang mga kaupdanan subong nga aga.

Ginkilala ang biktima kay John Denosta 39-anyos sang Barangay Milibili, Roxas City.

Magabukas na kuntani ang nasambit nga establisemento sang matalupangdan nga wala na nagahulag si Denosta.

Ginkatublag sang iya kaupdanan sang mauyatan nga matig-a na ang lawas sang biktima rason nga gilayon ini nga gindala sa Roxas Memorial Provincial Hospital, apang gindeklara ini sang doktor nga dead on arrival.

Nahibaluan nga may apat ka mga kabataan ang nasambit nga security guard.

Ginapatihan nga posible gin-atake ini sa korason ukon ginbangungot.