Ginpanginwala ni Senator Ronald “Bato” Dela Rosa nga may ihabalo siya sa reward system sang mga police officer nga kalakip sa Davao drug war template sa war on drugs sang Duterte administration nga ginbuyagyag ni retrired police colonel Royina Garma sa hearing sang House Quad Committee sining nakaligad nga Biyernes, Oktubre 11.
Sa isa ka statement, ginklaro sang Senador nga wala siya sang ideya kaangut sa alegasyon ni Garma nga gin-adopt sang Duterte administration ang ginatawag nga Davao template sa kampaniya kontra ilegal nga droga.
Sang pamangkuton naman ang Senador kun ginmanduan siya ni anay Presidente Rodrigo Duterte nga ipatuman ang rewards system sadtong PNP chief pa siya, ginsiling sang Senador nga wala sang kapareho nga direktiba ang anay Presidente.
Sa hearing kahapon, ginbuyagyag ni Garma nga ang mga pulis nga makapatay sa mga drug suspect ang hatagan sang pabuya para sa tagsa ka suspek nga ila mapatay.
Ang mga ini man ang nagaplano sang mga operasyon kag operational expenses.
Diri, ginbuyagyag man ni Garma nga gintawagan siya ni Duterte para sa pagbug-os sang task force kun sa diin gamitin ang Davao template.
Ginkumpirma man suno niya ang rewards nga ginhatag sa police officers nga makapatay sa ila nga drug operations ang nagdangat sa P20,000 tubtob P1 million.
