Ginaduso sang Senate Committee on Agriculture, Food, and Agrarian Reform Chairman Senador Kiko Pangilinan nga isaylo ang bahin sang pondo nga gintalana para sa flood control sa Free Breakfast Program for public school students.
Suno sa iya, ini agud masabat ang nagalala nga kaso sang stunting, malnutrition, kag ang mataas nga numero sang mga kabataan nga naga-untat sa pag-eskwela, subong man agud mabuligan ang mga mangunguma kag mangingisda.
Magluwas sa stunting kag malnutrisyon, ginhatagan pagtamod sang senador nga ang paghatag sang libre nga pamahaw halin sa kindergarten tubtub senior high school ang makabulig sa pagpataas sang attendance kag learning capacity sang mga estudyante.
Sa idalom sang hagna, katunga sang budget para sa Free Breakfast ang iga-alokar sa pagbakal sang pagkaon gikan sa mga lokal nga mangunguma kag mangingisda agud masiguro nga preska kag masustansya ang pagkaon sang mga estudyante.
Ginsambit man sini nga nagagasto sang tubtob ₱11.7 billion ang Department of Education (DepEd) para sa ila feeding programs.
