Madamo ang nakibot sa pahayag ni Sen. Imee Marcos kahapon nga adlaw sang Lunes sa nagapadayon nga rally matapos ginkumpirmar ang iya utod nga si Presidente Ferdinand Marcos Jr nga nagagamit sang iligal nga droga.
Suno kay Sen. Imee, madugay na nga nahibaluan sang ila pamilya angut sa ginaalegar paggamit sang droga sang Presidente.
Dugang pa sang Senador, magluwas sa Presidente, ginmitlang man niya si First Lady Liza Araneta-Marcos nga ginaalegar nagagamit man sang droga.
Apang, indi pa maathag kun may mapresentar nga ebidensya si Senador Marcos agud pamatud-an ang iya pahayag.
Samtang, gintawag naman si Usec. Claire Castro nga isa ka desperado nga tikang ang akusasyon ni Sen. Imee Marcos batok sa Presidente.
Ginhangkat pa ni Castro ang senadora nga buligan ang Presidente sa pagtinlo sang gobyerno, sa baylo nga mag-paguwa sang mga akusasyon nga wala sang basehan.
