Pila ka semana matapos nga na-ospital bangud sa concussion ukon mild traumatic brain injury, nagpaidalom naman Sexbomb Girls member nga si Jopay Paguia sa surgery para sa iya knee injury.
Sa iya social media page, ginpakigbahin sang SexBomb Girls member ang laragway niya nga nagasuksok sang hospital gown nga may face mask kag surgical cap.
Nag-post man sang picture ni Jopay ang iya bana nga si Joshua Zamora sa diin makita nga nagahigda sa hospital bed ang performer.
Matandaan nga una na nga nagpaidalom sa CT scan kag MRI ang SexBomb dancer matapos nga nakadanlog ini sa CR kag nagbunggo ang iya ulo sa tiles.
Antes ang insidente, nakaupod pa si Jopay sa ila duha ka adlaw nga reunion concert sang Disyembre.
May yara naman sang natalana nga tatlo ka shows ang girl group sa masunod nga bulan sang Pebrero.
