Shiela Guo, nag-ako sa mga senador sa detalye sang pagpalagyo

Ginkumpirmar ni Shiela Guo, utod ni dismissed Bamban Mayor Alice Guo ang detalye sang ila nga pagpalagyo halin sa Pilipinas.

Ginpahayag sini nga kaupod sini sanday Alice kag Wesley Guo sa pagpalagyo.

Nagsakay suno diri sila sa isa ka bangka bag-o nakapadulong sa Malaysia.

 “Sakay po kami ng boat sa dagat,” pahayag ni Guo.

Bag-o ini, may nagsugat suno sa ila nga van humalin sa ila balay.

Pero wala sini nahibaluan ang lugar kun sa diin sila ginpapanaog.

“Dito lang po kasi galing kami sa bahay, tapos may [nagsundo] sa amin na isang sasakyan,” dugang pa ni Shiela.

Nagapati man ang mga senador nga parte sang subcommittee on justice and human rights hearing, nga dako ang maibulig sang impormasyon nga ini agud makausad ang ginahiwat nga imbestigasyon.