Tunga sa oras lamang nagpakita ang adlaw sa sentro sang Sweden nga Stockholm sa una nga bahin sang Disyembre.
Bangod sini, ang lugar mahimo nga makaeksperyensya sang pinakamadulom nga Disyembre sa kasaysayan halin sang 1934 kon ini nga sitwasyon magpadayon, suno sa mga meteorologo.
Ang Sweden, pareho sang iban nga mga pungsod sa Nordic naanad sa malawig, madulom nga tigtulugnaw, nga may mas malip-ot nga mga adlaw kag mas malawig nga mga gab-i bangod sang iya naaminhan nga lokasyon.
Apang suno sa meteorologist nga si Viktor Bergman, sang Swedish Meteorological and Hydrological Institute (SMHI), ang Disyembre nangin mas madulom kag mas masubo sa Stockholm sini nga tuig.
Suno kay Bergman, ang average nga kalawigon sang adlaw sa Stockholm sa bug-os nga bulan sang Disyembre mga 33 ka oras, base sa datos halin 1991 tubtob 2020.
Dugang pa niya nga posible nga ang adlaw magapakita sa ibabaw sang Stockholm sa masunod nga mga inadlaw, apang indi inisigurado.
Narekord man sang 1934 ang pinakamadulom nga Disyembre sa sentro sang Sweden nga may gamay nga silak sang adlaw sang “rounded down to zero hours,” suno kay Bergman.
Pahayag pa ni Bergman, wala ginalauman nga magbag-o ang sitwasyon gani madula ang paglaum sang mga taga-Stockholm nga makaangkon sang white Christmas.
