Simbahang Katolika, nagpahanumdom sa mga tumuluo sang Matuod nga kahulugan sang Semana Santa

Nagpahanumdom ang Simbahang Katolika sa mga tumuluo sang matuod nga kahulugan sang Semana Santa.

Sa interview sang Bombo Radyo kay Very Rev. Msgr. Rufino Reggie A. Pamposa, Vicar General sang Archdiocese of Capiz, iya ginpahayag nga ang Semana Santa indi lang basta tradisyon kundi isa ka importante nga tion agud dumdumon ang paghigugma kag paghalad sang kabuhi ni Hesukristo para sa tanan.

Suno kay Pamposa, importante nga maghinulsol kag mangayo sang kapatawaran sa mga sala, kag batonon si Hesus bilang personal nga manluluwas.

Nagalaum naman ini nga magapadayon ang madamo nga mga deboto sa pagtililipon sa nagkalain-lain nga simbahan sa bug-os nga probinsya sang Capiz sa pag-obserbar sang Semana Santa.